अन्टुफ ललितपुर जिल्ला अध्यक्ष लिला कुमार श्रेष्ठलाई बधाई दिँदै
११ मंसिर ०७६, काठमाडौं । अखिल नेपाल ट्रेड युनियन महासंघ ललितपुर जिल्ला अध्यक्षमा लिला कुमार श्रेष्ठ चुनिएका छन् ।
बुधबार बसेको ललितपुर जिल्ला कमिटीको बैठकले कमिटी पुनर्गठन गरी श्रेष्ठलाई जिल्ला महासंघको नेतृत्वमा ल्याएको हो । श्रेष्ठ यस अघि जिल्ला उपाध्यक्ष थिए ।
मोरङको होटल, रेष्टूराँमा दाहाल
अखिल नेपाल होटल, क्यासिनो तथा रेष्टूराँ मजदुर संघ मोरङ भेलापछि सामुहिक तस्बिर खिचाउँदै
अखिल नेपाल होटल, क्यासिनो तथा रेष्टूराँ मजदुर संघ मोरङ जिल्ला भेलाले प्रदीप दाहालको अध्यक्षतामा १५ सदस्यीय कमिटी घोषणा गरेको छ ।
संघको केन्द्रीय अध्यक्ष माधब पाण्डेको प्रमुख आतिथ्यतामा मंगलबार मोरङमा भएको जिल्ला भेलाले दाहालको नेतृत्वमा १५ सदस्यीय कमिटी घोषणा गरेको हो ।
चितवनको नेतृत्वमा आए महतो
यसैगरी अखिल नेपाल होटल, क्यासिनो तथा रेष्टूराँ मजदुर संघ चितवनको नेतृत्वमा हठ्न महतो चयन भएका छन् ।
मंगलबार आयोजित कार्यक्रमबाट महतोको अध्यक्षतामा १३ सदस्य ईलाका कमिटी गठन भएको चितवनबाट भवानी शर्माले जानकारी दिइन् ।
अखिल नेपाल ट्रेड युनियन महासंघसम्बद्ध चितवनका मजदुरहरू
सामाजिक सुरक्षासम्बन्धी जनचेतना कार्यक्रम
अखिल नेपाल ट्रेड युनियन महासंघ सम्बद्ध चितवनका मजदुरहरूले सामाजिक सुरक्षा कार्यान्वयन गर्न, गराउन सरकारको ध्यानाकर्षण गराएको छ ।
बुधबार भरतपुर महानगरपालिका, रत्ननगर, खैरहनी, राप्ती र कालिका नगरपालिकमा व्यानर र पम्प्लेटिङ्ग गरी मजदुरहरूले सामाजिक सुरक्षा योजनाबारे सचेतना कार्यक्रम गरी सरकारको ध्यानाकर्षण गराएको हो ।
उनीहरूले रामपुर कृषि फार्म, गाई अनुसन्धान केन्द्र, भर्जिन फ्याक्ट्री, बोल्ड दरबार फ्याक्ट्री, कोकाकोला फ्याक्ट्री, बियर फ्याक्ट्री, चाउचाउ फ्याक्ट्री, ग्यास फ्याक्ट्री लगायत पूर्वि चितवन र पश्चिम चितवनका अधिकांश स्थानमा ब्यानर टाँगेर सामाजिक सुरक्षाका बारेमा जनचेतना गराउने काम गरेको अन्टुफ चितवन जिल्ला समितिले जनाएको छ । आज बुधबार अन्टुफ चितवनले बिहान ७ बजेदेखिसामाजिक सुरक्षा योजना तुरुन्त लागू गर ! श्रम ऐनको दफा १४५ खारेज गर ! मजदुर एकता जिन्दावाद लगायत नारा लगाएका थिए ।
यस कार्यक्रमलाई सफल पार्न अन्टुफ केन्द्रीय समितिका कावा अध्यक्ष जगत सिम्खडा र उपाध्यक्ष जय कार्की साथै प्रदेश अध्यक्ष पितम्बर गिरीसहितको चितवन जिल्ला बैठक यसै हप्ता चितवनमा बसेकाे थियो ।
अन्टुफ मकवानपुर सामाजिक सुरक्षा दिवस मनाउँदै
यसैगरी अन्टुफ मकवानपुरले पनि भव्यताका साथ सामाजिक सुरक्षा दिवस मनाएको छ ।
बुधबार नै अन्टुफ मकवानपुरको आयोजनामा सामाजिक सुरक्षा दिवस एक कार्यक्रम गरी मनाइएको जिल्ला महासंघले जानकारी दिएको छ ।
महासंघकाअनुसार सामाजिक सुरक्षा योजना सम्पूर्ण श्रम क्षेत्रमा लागू गर ! मजदुरका जायज माग पूरा गर ! मजदुर आयोग तुरुन्त गठन गर ! श्रम ऐनको दफा १४५ लगायत मजदुर बिरोधी दफार खारेज गर ! जस्ता सन्देशमूलक नारासहित हेटौंडा औद्योगिक क्षेत्रमा कार्यक्रम सम्पन्न भएको हो ।
