७ बैशाख ०८०, काठमाडौं । अन्नपूर्ण हिमालमा गत सोमबारदेखि बेपत्ता भारतीय पर्वतारोही जीवितै फेला परेका छन् ।
भारतीय पर्वतारोही ३४ वर्षीय अनुराग मालुलाई उद्धारकर्ताले जीवितै फेला पारेका हुन् ।
उनका भाइ सुधीरले दिएको जानकारी अनुसार ७ जना नेपाली उद्धारकर्ताले ३०० मिटर गहिरो खोंचमा उनलाई जिवितै फेला पारेका थिए ।
सेभेन समिट ट्रेक्सका जीएम थानेश्वर गुरागाईले उनलाई उपचारका लागि पोखराको मणिपाल अस्पताल ल्याइएको छ ।
यसअघि अन्नपूर्ण हिमालमै गत सोमबार नै बेपत्ता भएकी २७ वर्षीया भारतीय पर्वतारोही बलजित कौरलाई पनि उद्धारकर्ताले जीवितै उद्धार गरेका थिए ।
राजस्थानको किसनगढ निवासी अनुराग मालु गत सोमबार अन्नपूर्णको ६ हजार मिटर उचाइमा लडेर बेपत्ता भएका थिए ।
