६ असाेज ०७४, काठमाडाैं । माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहालल ‘प्रचण्ड’ले अहिलेको निर्वाचन प्रणाली महंगो भएको बताएका छन् ।
हेटौडामा शुक्रबार संचारकर्मीहरुसँग कुरा गर्दै ‘प्रचण्ड’ले नेपालको अहिलेको निर्वाचन प्रणाली महंगो भएको बताएका हुन् । उनले चुनावमा उम्मेदवारले तस्कर र दुई नम्बरी वा उसको सहयोगमा मात्र लड्ने सक्ने भएको भन्दै दाहालले यस्तो विचार राखेका हुन् ।
अध्यक्ष दाहालले प्रदेश र संघीय निर्वाचनमा पनि माओवादीको उपस्थिति बलियो रहने दाबी गरे ।
दलमा मूल्य मान्यतामा आस्थावान तथा निष्ठावान् व्यक्तिले टिकट नपाई पैसावालाले पाए- पूर्वराष्ट्रपति डा. रामवरण यादव
पूर्वराष्ट्रपति डा रामवरण यादवले निर्वाचनमा लामो समयदेखि दलमा मूल्य मान्यतामा आस्थावान तथा निष्ठावान् व्यक्तिले टिकट नपाई क्रसर र डोजर उद्योगी तथा पैसावालाले पाएकामा चिन्ता व्यक्त गरेका छन् ।
सुशील कोइराला मेमोरियल फाउण्डेशनद्वारा संविधान दिवसका अवसरमा ‘स्थानीय तहको निर्वाचन र संविधान कार्यान्वयन’ विषयक शुक्रबार आयोजित कार्यक्रमलाई सम्बोधन गर्दै पूर्वराष्ट्रपति डा यादवले उक्त धारणा राखेका हुन् ।
पूर्वराष्ट्रपति डा यादवले भने, ‘मैले सुनेँ स्थानीय तहका निर्वाचनमा वडाध्यक्ष हुनका लागि रु ५० लाख र गाउँ तथा नगरपालिका प्रमुख हुन रु एक करोडसम्म खर्च भयो, यस्तो अवस्था हो भने कसरी इमान्दार र निष्ठावान् व्यक्तिले निर्वाचन लड्न सक्छन् ।”
लोकतन्त्रलाई संस्थागत विकास गराउँदै जीवन्त बनाउन कार्यपालिका, व्यवस्थापिका र न्यायपालिकाले एकअर्कालाई सम्मान गर्नुपर्नेमा जोड दिएका छन् ।
