२२ माघ ०७७, काठमाडौं । नेपाल कम्युनिष्ट पार्टी (नेकपा) काे आज घोषित आम हड्ताल सफल बनाउन नेता तथा कार्यकर्ताहरू सडकमा उत्रिएका छन् ।
बिहानैदेखि सडकमा निस्किएका नेकपा प्रचण्ड-माधव समूहका केही नेता-कार्यकर्तालाई प्रहरीले नियन्त्रणमा लिएपछि अहिले ठूलो संख्यामा नेता तथा कार्यकर्ता प्रदर्शनसहित सडकमा निस्किएका छन् ।
रत्नपार्कमा नेकपाका प्रवक्ता नारायणकाजी श्रेष्ठ, अन्टुफ अध्यक्ष जगत सिम्खडा, विद्यार्थी नेता रञ्जित तामाङकाे नेतृत्वमा बन्द गराउन रत्नपार्कबाट जमल, घण्टाघर, बसपार्क क्षेत्रमा नेता-कार्यकर्ताको जुलुस नै निस्केको छ ।
अन्य चोक र सडकमा पनि कार्यकर्ताहरु बन्द सफल गराउन निस्किएका छन् । उनीहरूले विधिको शासन लागू गर, असंवैधानिक नियुक्ति खारेज गर, प्रतिगामन मूर्दावाद लगायतका नारावाजी गरेका छन् ।
आज बिहानै कलंकीबाट नेतृ अष्टलक्ष्मी शाक्यसहितका नेता-कार्यकर्तालाई प्रहरीले पक्राउ गरेको छ ।
