१७ भदौ ०७४, काठमाडौं । नेपाल आर्थिक पत्रकार समाजमा पुष्पराज आचार्य निर्वाचित भएका छन् ।
आचार्यले ११८ मत ल्याएर उनका निकटतम प्रतिद्वन्द्वी मोदनाथ ढकाललाई पराजित गरी अध्यक्षमा निर्वाचित भएका हुन् । ढकालले १०६ मत पाएको निर्वाचन समितिले जनाएको छ ।
उपाध्यक्षमा प्रभात भट्टराई १३७ मत ल्याएर विजयी भए । उनका निकटतम प्रतिद्वन्द्वी रामराजा श्रेष्ठले ८८ मत पाए ।
यसैगरी महासचिवमा भीम गौतम, सचिवमा सुजन ओली र कोषाध्यक्षमा भागवत भट्टराई विजयी भए ।
त्यस्तै सदस्यहरुमा एलिजा उप्रेती, हिमाल पौडेल, सागर घिमिरे, कृष्ण रिजाल र शिव बोहोरा विजयी भएका छन् ।
