३ कार्तिक ०८०, काठमाडौं । नेपाल प्रहरीको प्रहरी निरीक्षक पदमा ९६ जना र प्रहरी सहायक निरीक्षक पदमा २६० जनाका लागि भर्ना खुलेको छ ।
प्रहरी प्रधान कार्यालय नक्सालले आज प्रकाशित गरेको सूचनामा दरखास्त फारम दर्ता मिति कात्तिक १९ गतेदेखि मंसिर २९ गतेसम्म तोकिएको छ ।
सूचनाअनुसार प्रहरी निरीक्षक पदका लागि १ हजार २ सय रुपैयाँ र प्रहरी सहायक निरीक्षक पदमा ५०० रुपैयाँ राजश्व बुझाउनु पर्नेछ । साथै एकभन्दा बढी समूहमा दरखास्त दिँदा प्रत्येक समूहका लागि २० प्रतिशतको दरले थप दस्तुर लाग्ने उल्लेख छ ।
प्रहरी निरीक्षक पदका लागि स्नातक उत्तीर्ण साथै २० वर्ष पूरा भई २५ वर्ष ननाघेको र प्रहरी सहायक निरीक्षक पदका लागि प्रमाणपत्र वा सो सरह उत्तीण र १८ वर्ष पूरा भई २४ वर्ष ननाघेको हुनुपर्ने सूचनामा उल्लेख छ ।
