१५ बैशाख ०८०, काठमाडौं । बैशाख १० गते सम्पन्न उपनिर्वाचनमा निर्वाचित तीनजना प्रतिनिधि सभा सदस्यहरुले आज शपथ लिँदैछन् ।
चितवन २ बाट निर्वाचित रवि लामिछाने, बारा २ बाट निर्वाचित उपेन्द्र यादव र तनहुँ १ बाट निर्वाचित स्वर्णिम वाग्लेले आज बिहान साढे ११ बजे सभामुख देवराज घिमिरेबाट पद तथा गोपनीयताको शपथ लिने भएका हुन् ।
सभमुख घिमिरेले उनीहरुलाई सपथ खुवाउँदै लोगो प्रदान गर्नेछन् ।
गत मंसिर ४ को निर्वाचनमा तनहुँ १ बाट निर्वाचित रामचन्द्र पौडेल राष्ट्रपति, बारा २ बाट निर्वाचित रामसहाय प्रसाद यादव उपराष्ट्रपति र चितवन २ बाट निर्वाचित रवि लामिछान नागरिकता प्रकरणमा पदमुक्त भएसँगै यही बैशाख १० गते उपनिर्वाचन सम्पन्न भएको थियो ।
