१८ असार ०७७, सर्लाही । जिल्लाको ब्रह्मपुरी गाँउपालिका ५ स्थित सीमा ईलाकाबाट बुधबार सशस्त्र प्रहरी बल (एपीएफ) ले एक सय ८० बोतल डाईलेक्स डीसी नामक लागूऔषध बरामद गरेको छ ।
बेवारिसे अवस्थामा रहेको उल्लेखित लागूऔषध सशस्त्र प्रहरी बल, नेपाल बोर्डर आउट पोष्ट त्रिभुवननगरबाट खटिएको एपीएफ टोलीले बरामद गरेको हो ।
यस्तै पश्चिम नवलपरासी जिल्लाको सुस्ता गाँउपालिका ५ स्थित सीमा ईलाकाबाट पनि बुधबार नै करिब चार लाख २० हजार रुपैयाँ बराबरको ब्रोईलर कुखुराको चल्ला बरामद गरेको छ ।
भारतबाट नेपालतर्फ अवैधरुपले ल्याउँदै गरेको अवस्थामा सशस्त्र प्रहरी बल, नेपाल अस्थायी सुरक्षा बेस बलिनगरबाट खटिएको एपीएफ टोलीले उक्त चल्ला बरामद गरेको सशस्त्र प्रहरी नायव उपरीषक अजय छतकुली जानकारी दिएका छन् ।
