२५ असोज ०८०, धनगढी । नेकपा एमाले सुदूरपश्चिम प्रदेशको अध्यक्ष कृष्णप्रसाद जैशी लगायत पदाधिकारीहरु निर्विरोध निर्वाचित भएका छन् ।
अध्यक्ष लगायत पदाधिकारी पदमा मनोयन दर्ता गराएका उम्मेदवारहरु उम्मेदवारी फिर्ता लिएपछि पदाधिकारी निर्विरोध निर्वाचित भएका हुन् ।
एमाले सुदूरश्चिम प्रदेश उपाध्यक्षमा बाजुराका कालीबहादुर शाही, सचिवमा कैलालीका रणबहादुर चन्द, उपसचिव (खुल्ला) मा कञ्चनपुरका नरबहादुर विक र उपसचिव (महिला) मा कैलालीकी भागरथी विष्ट चयन भएका छन् ।
निर्वाचन प्रक्रिया लम्ब्याएर पार्टी अध्यक्ष केपी शर्मा ओलीको निर्देशनपछि नेताहरूले विभिन्न पदमा आकांक्षा राखेका उम्मेदवारहरूलाई अन्यत्र व्यवस्थापन गर्ने आश्वासनसहित उम्मेदवारी फिर्ता गराई सर्वसम्मत पदाधिकारी चयन गरिएको बताएका छन् ।
