८ भदौ ०७९, काठमाडौं । त्रिभुवन अन्तर्राष्ट्रिय विमानस्थल हुँदै कुवेत जान लागेका महिलाहरुलाई प्रहरीले विमानस्थलमै रोकेर फर्काइदिएको छ ।
नेपाल प्रहरीले बुधबार बिहान जजिरा एयरबाट भिजिट भिसामा कुवेत जान लागेका ३९ जना महिलालाई शंकास्पद कागजातका आधारमा रोकिदिएको हो ।
ती महिलाहरुले बोकेको कागजात र उनीहरुको दाबी मेल नखाएपछि प्रहरीले प्रस्थान गेटमै रोकिदिएको थियो ।
त्रिभुवन विमानस्थल अध्यागमन कार्यालयकाअनुसार दुबईमा भिजिट भिसामा जान लागेको भनिए पनि विश्वसनीय आधारहरु नदेखिएपछि फर्काएका हौं ।
