७ असार ०७७, काठमाडौं । स्वास्थ्य तथा जनसंख्या मन्त्रालयले कोरोना संक्रमितको संख्या ९ हजार २६ पुगेको जानकारी दिएको छ ।
मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले कोरोना संक्रमितको कूल संख्या ९ हजार २६ पुगेको जानकारी दिएका हुन् । जसमध्ये ८२० महिला र ८ हजार २०६ पुरुष रहेको बताए ।
उनले आइतबार डिस्चार्ज हुने संख्या १९४ रहेको बताउँदै कूल डिस्चार्ज १ हजार ७७२ रहेको बताए । जसमा १४९ महिला १ हजार ६२३ पुरुष रहेको पनि बताए ।
आज रेड जोनमा ५ सय ५ जना रहेको साथै कोरोना संक्रमित जिल्ला संख्या ७५ पुगेको पनि उनले जानकारी दिए ।
