१६ असार ०७७, काठमाडौं । स्वास्थ्य तथा जनसंख्या मन्त्रालयले कोरोना भाइरस (कोभिड–१९)को संक्रमित संख्या १३ हजार ५ सय ६४ पुगेको जानकारी दिएको छ ।
मन्त्रालयका प्रवक्ता प्रा.डा. जागेश्वर गौतमले नियमित पत्रकार सम्मेलनमा पछिल्लो २४ घण्टामा देशभर थप ३ सय १६ जनामा कोरोना पुष्टि जानकारी दिँदै कूल संक्रमित १३ हजार ५ सय ६४ पुगेको बताएका हुन् ।
आज थप ६० जना संक्रमित डिस्चार्ज भएसँगै कूल ३ हजार १ सय ९४ निको भएर घर फर्किएको पनि उनले बताए । अहिलेसम्म २७७ महिला र २९१७ पुरूष निको भएका छन् ।
उनले मंगलबार आइसोलेसनमा १० हजार ३ सय ४१ जना रहेको बताए ।
