१ असार ०७७, काठमाडौं । स्वास्थ्य तथा जनसंख्या मन्त्रालयले थप ४५१ जनामा कोरोना संक्रमण पुष्टि भएको जानकारी दिएको छ ।
स्वास्थ्य मन्त्रालयको नियमित पत्रकार सम्मेलनमा मन्त्रालयका प्रवक्ता जागेश्वर गौतमले थप ४५१ जनामा कोराना संक्रमित पुष्टि भएको बताएका हुन् । यो सँगै नेपालमा संक्रमितको कूल संख्या ६ हजार २ सय ११ जना पुगेको छ ।
उनले कूल संक्रमितहरु मध्ये ४ सय ७१ जना महिला र ५ हजार ७ सय ४० जना पुरुष रहेको पनि बताए । यस्तै कूल ७३ जिल्लामा कोरोना संक्रमित देखिएको पनि बताए ।
