१५ असार ०७७, काठमाडौं । स्वास्थ्य तथा जनसंख्या मन्त्रालयले पछिल्लो २४ घण्टामा थप ४ सय ७६ जना कोरोना संक्रमित पुष्टि भएको जानकारी दिएको छ ।
मनत्रालयको नियमित पत्रकार सम्मेलनमा प्रवक्ता जागेश्वर गौतमले १ सय १२ जना महिला, ३ सय ६४ जना पुरुष गरी कूल ४ सय ७६ जनामा कोरोना पुष्टि भएको बताएका हुन् ।
योसँगै नेपालका कूल संक्रमित संख्या १३ हजार २ सय ४८ पुगेको छ भने जसमा १ हजार ५ सय ८६ महिला र ११ हजार ६ सय ६२ पुरुष रहेका छन् ।
उनले हाल आइसोलेसनमा १० हजार ८५ जना रहेको र निको हुनेको संख्या ३ हजार १ सय ३४ पुगेको बताए ।
