३० चैत ०७८, बुटवल । राष्ट्रिय जनमोर्चाका अध्यक्ष चित्रबहादुर केसीले नेकपा एमाले हिन्दु धर्मको फेरो समातेर फासीवादको यात्रामा अघि बढेको बताएका छन् ।
बुधबार बुटवलमा पार्टीको स्थानीय चुनावको घोषणापत्र सार्वजनिक गर्दै अध्यक्ष केसीले भारतीय संस्थापन पक्षले आफ्नो राजनीतिक अभिष्ट पूरा गर्न एमालेको नेतृत्वमा हिन्दु धर्मलाई प्रयोग गर्ने प्रवृत्तिको विकास भएको टिप्पणीसमेत गरेका छन् ।
