३ असोज ०७४, वीरगन्ज । पर्साका सबै नगर र गाउँपालिकामा मतगणना शुरु भएको छ । मतगणना जारी रहेकामध्ये ६ स्थानीय तहको प्रारम्भिक मतपरिणाम सार्वजनिक भएको छ ।
सार्वजनिक भएकामध्ये एमालेले चार र कांग्रेस माओवादीले एक–एक स्थानीय तहमा अग्रता लिएका छन् ।
एमालेले पर्सागढी, पटर्वा सुगौली, सखुवा पर्सौनी र बिन्दबासिनी गाउँपालिकामा अग्रता लिएको छ भने माओवादीको अग्रता ठोरी गाउँपालिकामा छ । त्यस्तै कालिकामाई गाउँपालिकामा कांग्रेसले अग्रता लिएको छ ।
पटेर्बा सुगौली गाउँपालिका वडा न १ मा एमालेका फरमान मिया अन्सारीको प्यानलै विजयी भएको छ ।
बिन्दबासिनी गाउँपालिका वडा नम्बर १ मा एमालेका सगिर मियाको प्यानलैले जित निकालेको छ ।
ठोरी गाउँपालिका वडा नम्बर १ मा माओवादी केन्द्रका रामप्रकाश कुँवरको प्यानल विजयी भएको छ ।
