२६ बैशाख ०८१, काठमाडौं । प्रधानमन्त्री पुष्पकमल दाहाल प्रचण्ड आफूले पाँच वर्ष नै सरकारको नेतृत्व गर्ने बताएका छन् ।
सुनकोशी मरिण डाइभर्सनको सुरुङ ‘ब्रेकथ्रु’पछि बुधबार सिन्धुलीको सुनकोशी गाउँपालिकामा कार्यकर्ताहरूसँग प्रधानमन्त्री प्रचण्डले सरकारलाई पूरै अवधि चलाउने बताएका हुन् ।
उनले भने, ‘अनेक गरिन्छ तर सरकारलाई पूरै अवधि लगिन्छ, दुविधा नरहोस् ।’
प्रचण्डले वर्तमान सरकार बनेपछि विकास निर्माण, शिक्षा, स्वास्थ्य आदि क्षेत्रमा युगान्तकारी काम भएको दाबी गरेका छन् ।
