१७ भदौ ०८०, काठमाडौं । आज बिहान करिब ७ः४५ बजेको समयमा काठमाडौंको पेप्सीकोला–काँडाघारी सडकखण्डमा भएको सवारी दुर्घटनामा ७ जना घाइते भएका छन् ।
बा ३ ख ४८४८ नम्बरको मिनी बसले विपरीत दिशामा गडिरहेका बा ६ च ५३४२ नम्बरको बोलेरो, बागमती प्र ०२–०४१ प ४८३८ नम्बरको मोटरसाइकल र बागमती प्रदेश ०२–०३७ प ५३११ नम्बरको स्कुटरलाई ठक्कर दिई भएको दुद्र्धटनामा ७ जना घाइते भएका हुन् ।
काँडाघारी प्रहरी कार्यालयले दिएको जानकारीअनुसार उक्त दुर्घटनाका घाइतेहरुको मिनभवनस्थित सिभिल अस्पताल र मदरल्याण्ड अस्पतालमा उपचार भइरहेको छ ।
इन्सपेक्टर श्याम कटुवालले बस चालक रामेछापको लिखुतामाकोशी–२ घर भई हाल पेप्सीकोला बस्ने २४ वर्षीय जनक राउतलाई नियन्त्रणमा लिएको बताए ।
