३ भदौ ०७४, काठमाडौं । राष्ट्रपति विद्यादेवी भण्डारीको आह्वानमा प्रधानमन्त्री शेरबहादुर देउवा, नेकपा एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल शितलनिवास पुगेका छन् ।
प्रमुख तीन दलका शीर्ष नेताहरु प्रधानमन्त्री देउवाको भदौ ७ गते हुने भारत भ्रमण, निर्वाचनलगायत समसामयिक राजनीतिक विषयमा छलफलका लागि शितलनिवास पुगेका हुन् ।
प्रमुख तीन दलका शीर्ष नेताहरुसँगै काँग्रेसका रामचन्द्र पौडेल, एमालेका बामदेव गौतम र माओवादी केन्द्रका नारायणकाजी श्रेष्ठ पनि शितलनिवास पुगेको राष्ट्रपति कार्यालयका दीपा शर्माले बताइन् ।
