२६ साउन ०७४, काठमाडौं । अरनिको राजमार्गको बाह्रबिसे-काठमाडौं सडकखण्डको महभिर भन्ने स्थानमा सडक भास्सिएपछि सवारी अवागमन अवरुद्ध भएको छ ।
बाह्रबिसेबाट मात्र १ घण्टाको दुरीमा रहेको महभिर यताको सडक अविरल वर्षाले तीन फीट जति भासिदा सवारी अवागमन अवरुद्ध भएको हो । बुधबार बिहानदेखि ठप्प भएको सडक दिउँसोसम्ममा स्काभेटर नआउँदा अझै खुल्न सकेको छैन ।
भोटेकोसी बाढीले पहिले पनि कटानमा पारेको उक्त सडक ममर्त गरेर संचालन गरिएको थियो । अहिले सडक भास्सिदा आउजाउ गरिरहेका यात्रु अलपत्र परेका छन् ।
वरिपरिका सडकका संरचना पनि भास्सिएकाले सडक पूरा ममर्त गर्न समय लाग्ने देखिएको इलाका प्रहरी कार्यालय बाह्रबिसेले जनाएको छ ।
