२७ भदौ ०७७, रोल्पा । जिल्लाको लुंग्री गाउँपालिकामा गएराति गएको पहिरोले एक घर पुरिँदा एकै परिवारका दुई जनाको मृत्यु भएको छ ।
लुंग्री गाउँपालिका–१ ऐपे गाउँका ज्ञानसिंह घर्तीमगरको घर पहिरोले पुरिँदा उनका दुई छोरा ११ वर्षीय युवराज घर्ती र ८ वर्षीय अमर घर्तीको मृत्यु भएको हो ।
जिल्ला प्रहरी प्रमुख डीएसपी नरेश सुवेदीले घटनास्थलमै मृत्यु भएका उनीहरुको शव पोष्टमार्टमका लागि जिल्ला सदरमुकाम पठाइएको साथै जानकारी दिए ।
प्रहरीले उक्त पहिरोमा पुरिएर ज्ञानसिंहकी ५० वर्षीया आमा वीरमा घर्ती र ३५ वर्षीया श्रीमती नन्दकली घर्ती घाइते भएको र उनीहरुलाई उपचारका लागि सुलिचौर अस्पताल पठाइएको बताएको छ ।
वडाध्यक्ष मति पुनले ज्ञानसिंह रोजगारीको सिलसिलामा ८ वर्ष अघि भारत गएको र हाल परिवारका सदस्यहरुसँग सम्पर्कमा नरहेको बताए ।
