१२ असोज ०७६, काठमाडौं । नेपालीहरुको पर्व विजयादशमीको पहिलो दिन घरघरमा जमरा राखी घटस्थापना मनाईंदैछ ।
नवरात्रको पहिलो दिन सुख–समृद्धि र ऐश्वर्यको प्रतीक मानिने कलश, दियो र गणेश स्थापना गरी जौको जमर राख्ने चलन छ ।
घटको पूजा गर्नाले घरको सबै विपददायक तरंगहरु नष्ट भएर सुख शान्ति र समृद्धि आउने धार्मिक विश्वास रहेको छ ।
त्यस्तै, हनुमानढोकास्थित दशैं घरमा धार्मिक विधिपूर्वक बिहान १०ः३५ को शुभसाइतमा घटस्थापना गरिएको छ ।
दशैं घरमा घटनास्थापना गर्दा नेपाली सेनाको एक टुकडीले बढाइँसमेत गरेको थियो ।
