सरकारी चिकित्सकले निजी स्वास्थ्य संस्थामा काम गर्न पाउँ भनी दिए निवेदन

१२ बैशाख ०७४, काठमाडौं । स्वास्थ्य मन्त्रालयमा पाँचौं तहदेखि एघारौं तहसम्मका ८८९ सरकारी चिकित्सक तथा स्वास्थ्यकर्मीले निजी स्वास्थ्य संस्थामा काम गर्न अनुमतिका लागि निवेदन दिएका छन् ।

पाँचौँ तहमा १०४, छैटौँ तहमा ३२७, सातौँ तहमा ४८, आठौँ तहमा १८३, नौ तहमा ८२, दशौँ तहमा ५५ र एघारौँ तहमा ३४ जना चिकित्सक तथा स्वास्थ्यकर्मीले निजी स्वास्थ्य केन्द्रमा काम गर्न पाउँ भनेर निवेदन दिएको चिकित्सा महाशाखाले जानकारी दिएको छ ।

सरकारी चिकित्सक र स्वास्थ्यकर्मीलाई निजी स्वास्थ्य संस्थामा काम गर्न सरकारले स्वास्थ्य मन्त्रालयको अनुमति लिनुपर्ने अनिवार्य व्यवस्था गरेपछि देशभरका चिकित्सक तथा स्वास्थ्यकर्मीले अनुमतिका लागि निवेदन दिएका हुन् ।

मन्त्रालयका चिकित्सा महाशाखाका निर्देशिक डा.भोलाराम श्रेष्ठले अहिलेको दर्ता भएकाको सङ्ख्या मन्त्रालयमा दर्ता भएकाको भएकाले विभाग तथा क्षेत्रीय कार्यालयमा निवेदन दिन सकिने व्यवस्था गरिएको जानकारी दिए ।