२७ चैत्र ०७९, काठमाडौं । नेकपा एमालेका सांसद ऋषिकेश पोखरेलले प्रतिनिधिसभाको बैठकमा राष्ट्रिय स्वतन्त्र पार्टीका सांसदको अडियो प्रकरणमाथि टिप्पणी गर्दै मालदार मन्त्रीहरुको भाउ कति भनेर प्रश्न गरेका छन् ।
सोमबार प्रतिनिधिसभाको बैठकमा बोल्दै उनले राष्ट्रिय स्वतन्त्र पार्टीका सांसद डा. ढाकाकुमार श्रेष्ठको अडियो प्रकरणबारे मालदार मन्त्रीहरुको भाउ कति भनेर प्रश्न गरेका हुन् ।
उनले भनेका छन्, ‘स्वास्थ्यमन्त्रीको भाउ दुई करोड रहेछ । अरु अरु मालदार मन्त्रीहरुको कति होला ?’
रास्वपा सांसद श्रेष्ठले सभापति रवि लामिछानेतर्फ संकेत गर्दै कोर टिमलाई २ करोड दिनुपर्ने भन्दै मेडिकल व्यवसायी दुर्गा प्रसाईंसँग सहयोग मागेको अडियो सार्वजनिक भएको थियो ।
