प्रचण्ड नेतृत्वको सरकार कांग्रेसको अवरोध सामू निरीह !

७ बैशाख ०७४, काठमाडौं । प्रधानमन्त्री पुष्पकमल दाहाल प्रचण्ड नेतृत्वको सरकार कांग्रेसको अवरोध सामू निरीह देखिएका छन् ।

Mantriparisad

बिहीबार बसेको मन्त्रिपरिषद बैठकमा राष्ट्रिय गौरवको बुढीगण्डकी जलविद्युत् आयोजनालाई कम्पनी मोडेलमा लैजान प्रस्ताव गर्दा परराष्ट्रमन्त्री प्रकाशशरण महतले विरोध जनाएपछि पास हुन नसक्दा माओवादी मन्त्रीहरु कांग्रेस मन्त्रीको सामू निरीह देखिएको हो ।

मन्त्रिपरिषद स्रोत भन्छ, ‘कांग्रेसका मन्त्रीले सल्लाह गरेर गर्नुपर्छ, अहिले नगरौं भन्दै रोकिदिन्छन् । तर, तीन महिना भइसक्यो, न सल्लाह हुन्छ, न पास हुन्छ । कांग्रेसको अगाडि माओवादी मन्त्रीहरु निरीह देखिए ।’

अर्थ र कानुन मन्त्रालयले सैद्धान्तिक सहमति दिइसकेको भए पनि ऊर्जा मन्त्रालयले पेश गरेको उक्त प्रस्ताव सत्ता साझेदार नेपाली कांग्रेसको कारण तीन महिनादेखि रोकिएको छ ।

मन्त्रिपरिषदमा सो प्रस्ताव पाँच पटक पेश भइसकेको छ । तर, पास हुन सकेको छैन । १२ सय मेगावाटको बुढीगण्डकी जलविद्युत आयोजनाका लागि धादिङ र गोरखामा पाँच अर्ब रुपैयाँ मुआब्जा वितरण भइरहेको छ ।

नलसिंहगाड जलविद्युत् आयोजनाका कार्यकारी निर्देशक मोतीबहादुर कुँवरकै योजनामा उपप्रधानमन्त्री एवम् गृहमन्त्री विमलेन्द्र निधि मार्फत कम्पनी बन्न नदिने चलखेल भएको स्रोतले बतायो । कुँवर तिनै व्यक्ति हुन् जसलाई अख्तियार दुरुपयोग अनुसन्धान आयोगले २७ करोड भ्रष्टाचार काण्डमा कारवाहीको प्रक्रिया अगाडि बढाएको थियो ।

  •  
  •  
  •  
  •  
  •  

तपाइको मत