एमालेद्वारा रसुवा बन्द : खुकुरी प्रहार घटनाका दोषीलाई कारबाहीको माग

६ जेठ ०७४, रसुवा । नेकपा एमाले, रसुवाले आजदेखि अनिश्चितकालीन रसुवा बन्द आह्वान गरेको छ ।

शुक्रबार खुकुरी प्रहार घटनाका दोषीलाई कारबाहीको माग गर्दै एमाले रसुवाले अनिश्चितकालीन रसुवा बन्द आह्वान गरेको हाे ।

जिल्ला अध्यक्ष कर्णेल लामाद्वारा हस्ताक्षरित विज्ञप्तिअनुसार खुकुरी प्रहार गर्ने दोषी र दोषी भगाएको आरोप लागेका स्याफ्रुबेसी प्रहरी चौकीका प्रहरी सहायक निरीक्षकलाई कारबाही गर्नुपर्ने माग गरिएको छ ।

उता प्रहरीले भने दोषीको खोजी जारी रहेको जनाएको छ । प्रहरी सहायक निरीक्षक मधुकान्त खड्काले घटनाबारे छानबिन सुरु भइसकेको बताए ।

रसुवा बन्दले जनजीवन प्रभावित भएको छ ।

शुक्रबार स्याफ्रुबेँसीका एक युवकले अर्का युवकलाई खुुकुरी प्रहार गरेपछि आक्रोशित भिडले एक मोटरसाइकलमा आगजनी गर्नाका साथै प्रहरी चौकी स्याफ्रुबेँसीसमेत तोडफोड गरेको थियो ।

खुकुरी प्रहारबाट घाइते फुर्पु साग्बो तामाङको काठमाडौँस्थित ग्य्रान्डी अन्तर्राष्ट्रिय अस्पतालमा उपचार भइरहेको बताइएको छ ।

  •  
  •  
  •  
  •  
  •  

तपाइको मत