राष्ट्रपतिद्वारा शीतलहर र भाइरलका कारण भएको मानवीय क्षतिप्रति दुःख व्यक्त, उचित व्यवस्थापन गर्न अाग्रह

२४ पुस ०७४, काठमाडौं । राष्ट्रपति विद्यादेवी भण्डारीले शीतलहर र झाडापखला तथा ज्वरोका कारण मानवीय क्षति भएकोप्रति दुःख व्यक्त गरेकी छन् ।

केही दिनयता शीतलहरबाट तरार्इ क्षेत्रमा  र पश्चिम पहाडका केही क्षेत्रमा फैलिएको झाडापखाला र ज्वरोका कारणबाट मानवीय क्षति भएको भन्दै राष्ट्रपति भण्डारीले दुःख व्यक्त गरेकी हुन् । तराइ क्षेत्रल लगायत देशभर बढेको चिसोले आम नागरिकको दैनिक जीवनयापनमा परेको कठिनाइप्रति गम्भीर ध्यानाकर्षण भएको समेत राष्ट्रपति कार्यालयबाट जारी गरिएको विज्ञप्तिमा उल्लेख गरिएको छ ।

विगत वर्षहरुमा पनि यस किसिमका प्राकृतिक घटनाक्रमहरु हुने गरेको र यस वर्ष पनि पुनरावृत्ति भएकोले यस्ता घटनाहरुको उचित र दिगो व्यवस्थापनको लागि राष्ट्रपति भण्डारीले पूर्व तयारी हुनुपर्ने आवश्यकता औंल्याएकी छन् ।

राष्ट्रपति भण्डारीले शीतलहर र प्रकोपबाट उत्पन्न परिस्थितिको उचित र व्यवस्थित समाधानका लागि नेपाल सरकारको ध्यानाकर्षण र गैरसरकारी संस्था, नागरिक समाज, निजी क्षेत्र र सर्वसाधारणलाई सरकारसँग हातेमालो गरी पीडितको उद्धार एवम् राहतको उचित प्रवन्ध मिलाउन आव्हान गरेकी छन् ।

  •  
  •  
  •  
  •  
  •  

तपाइको मत