रातमा चोरी गर्ने गिरोहमा सम्लग्न दुई जना पक्राउ

१६ साउन ०७५, राजविराज । प्रहरीले रातको समयमा पसलमा चोरी गर्ने गिरोहका दुई जनालार्ई पक्राउ गरेको छ ।

मंगलबार चोरी गरिएका सामानसहित रुपनी गाउँपालिका ९ का २० वर्षीय रामकुमार मण्डल र डाक्नेश्वरी नगरपालिका ४ का १९ वर्षीय भगवती रामलाई पक्राउ गरि सार्वजनिक गरेको हो ।

दुबै जनाले अघिल्लो दिन राजविराज ४ मेनरोडस्थित पशुपति होटल तथा मोबाइल पसलमा १ लाख ५० हजार बढीको धनमाल चोरी गरेका थिए ।

उनीहरुका साथबाट प्रहरीले पसलबाट चोरी गरिएका घडी, मोबाइल, एलसिडि, टिभि, चार्जर, पेन ड्राइभ तथा नगद ३५ हजार रुँपैयासमेत बरामद गरेको छ ।

गोप्य सूचनाको आधारमा खटिएको प्रहरी टोलीले कुल १ लाख ६५ हजारको मालसमानसहित पक्राउ परेका दुबै जनालाई चोरी मुद्दा चलाइएको डिएसपी भवेश रिमालले बताए ।

  •  
    5
    Shares
  • 5
  •  
  •  
  •  

तपाइको मत