नेकपामा असन्तुष्टि चुलियो, तत्काल निर्णय नसच्याए दुष्परिणामको जिम्मा निर्णयकर्ता नै हुने चेतावनी

१२ साउन ०७६, राजविराज । नेकपाको जिल्ला तहको कमिटि चयनको क्रममा प्रदेश कमिटिद्वारा क्रियाशील रहेका दर्जनौं सिनियर कमरेडहरुलाई वेवास्ता गरिएको भन्दै त्यसलाई सच्याउनु पर्ने माग गरेका छन् ।

फोटोः देवराम यादव ।

प्रदेश कमिटीले पार्टीको मुल्य मान्यता विपरीत सांगठनिक सदस्य नै नलिएकाहरु तथा आसेपासेलाई राखेर चयन प्रक्रियामा गम्भिर त्रृटी गरेको भन्दै असन्तुष्ट पक्षले सो निर्णय नसच्याए त्यसबाट उत्पन्न हुने दुष्परिणामको जिम्मा निर्णयकर्ता नै हुने चेतावनी समेत दिएका छन् ।

सदरमुकाम राजविराजमा आइतबार पत्रकार सम्मेलन गरी २ नं. प्रदेश कमिटिका सदस्य समेत रहेका देवनाथ यादवले नेकपा सप्तरीको जिल्ला कमिटि गठन गर्दा महान जनयुद्धको क्रममा जेल नेल र यातना भोगेका करिब दुई दर्जन सिनियर कमरेडहरुलाई वेवास्ता गरी प्रदेश कमिटिले सांगठनिक सदस्य नै नभएकाहरुलाई जिल्ला कमिटिमा समावेश गरिएको बताए ।

प्रदेश २ कमिटिका अर्का सदस्य भागवत यादवले जनयुद्धका बेला जेलनेल र यातना भोगेका ज्ञानेन्द्र घिमिरे, उमेश मण्डल, देवराम यादव, बलराम महतो, सुकदेव साह, गोपाल प्रसाद गुप्ता लगायत दुई दर्जन सिनियर कमरेडहरुलाई जिल्ला कमिटिमा समावेश नगरिएकोमा तिब्र असन्तुष्टि जनाउँदै निश्चित मापदण्ड विधि अपनाई तत्कालिन नेकपा (माओवादी केन्द्र) कोतर्फबाट जिल्ला कमिटि पुर्नगठन नगरिए त्यसबाट उत्पन्न हुने दुष्परिणामको जिम्मा पनि निर्णयकर्ताहरु नै हुने चेतावनी दिए ।

जिल्ला कमिटिका सदस्य हरिनारायण चौधरीले प्रदेश नेतृत्वतहमा रहेको संक्रिण गुटिय घेरा र मानसिकता तथा असहमत पक्षलाई निषेध गर्ने अलोकतान्त्रिक चरित्रकै कारण अधिकांश सिनियर कामरेडहरुलाई जिल्ला कमिटिबाट पाखा लगाइएको भन्दै तत्काल निर्णय सच्याई जिल्ला कमिटि पुर्नगठन गर्नु पर्ने माग गरे ।

  •  
  •  
  •  
  •  
  •  

तपाइको मत