१३ मंसिर ०७४, उदयपुर । बुधबार बिहान नेपाली कांग्रेस उदयपुरका उम्मेदवार नारायण कार्कीलाई लक्षित गरी अज्ञात समूहले थापेको एम्बुस पड्कँदा उम्मेदवारसहित ४ जना घाइते भएका छन् ।
उदयपुरगढी गाउँपालिका ६ नेपालटार बजारमा आयोजित चुनावीसभालाई सम्बोधन गर्न जाँदै गरेका प्रतिनिधिसभा २ का कांग्रेसका उम्मेदवार कार्कीलाई लक्षित गरी सोही वडाको दनुवारबेसीमा थापिएको एम्बुस विस्फोट भएको हो ।
विस्फोटनमा उम्मेदवार कार्की, उदयश्री बहुमुखी क्याम्पस कटारीका नेविसंघका सभापति मिरा कटुवाल, नाम नखुलेका चालक र अन्य एक कार्यकर्ता घाइते भएको प्रमुख जिल्ला अधिकारी चन्द्रमान श्रेष्ठले बताए ।
प्रजिअ श्रेष्ठका अनुसार घाइतको अवस्था गम्भीर रहेकाले उपचारका लागि हेलिकप्टर मगाइएको छ। कार्कीको एउटा हात चलेको छैन भने कटुवालको पैतलामा चोट लगोको जनाइएको छ ।
