५ फागुन ०७४, कैलाली । गोदावरी नगरपालिका–१३ अत्तरीया बजार नजिकै बस दुर्घटना हुँदा २४ जना भन्दा बढी घाइते भएका छन् ।
शनिबार टिकापुरबाट धनगढी आउँदै गरेको कर्णाली यातायातको ना ४ ख ८६३६ नं को बस दुर्घटना हुँदा २४ जना भन्दा बढी घाइते भएका हुन् ।
घाइतेमध्ये तीन जनाको अवस्था गम्भीर रहेको र अन्यको सामान्य रहेको इलाका प्रहरी कार्यालय अत्तरियाले जनाएको छ । दुर्घटनामा घाइते भएकाको अत्तरियास्थित पद्मा अस्पतालमा उपचार भइरहेको छ भने दुर्घटनाका कारण भने खुल्न नसकेको प्रहरीले जनाएको छ ।
