७ कार्तिक ०७७, काठमाडौं । स्वास्थ्य तथा जनसंख्या मन्त्रालयले गएको चौबीस घण्टामा चार हजार ४९९ जनामा कोरोना संक्रमण पुष्टि भएको जानकारी दिएको छ ।
शुक्रबार स्वास्थ्य मन्त्रालयले गएको चौबीस घण्टामा चार हजार ४९९ जनामा नयाँ कोरोना संक्रमण पुष्टि भएको जानकारी दिएको हो । योसँगै नेपालमा कूल संक्रमितको संख्या एक लाख ५३ हजार ८ पुगेको छ ।
यस्तै हाल आइसोलेसनमा ४६ हजार ६९१ जना र क्वारेन्टाइनमा ३ हजार ५९० जना रहेको मन्त्रालयले बताएको छ ।
कोरोना संक्रमणबाट गएको चौबीस घण्टामा दुई हजार ६६८ जना निको भएर घर फर्किएको साथै हालसम्म निको हुनेको कूल संख्या एक लाख पाँच हजार ४८८ जना पुगेको पनि मन्त्रालयले जानकारी दिएको छ ।
यस्तै मन्त्रालयले थप १७ जना कोरोना संक्रमितको निधन भएको र योसँगै नेपालमा कोरोनाबाट निधन हुनेहरुको संख्या ८२९ पुगेको बताएको छ ।
