२ चैत ०७७, काठमाडौं । एमालेकाे खनाल-नेपाल समूहले चैत ४ र ५ गते राष्ट्रिय कार्यकर्ता भेला गर्ने भएका छन् ।
सोमबार पार्टी अध्यक्ष केपी शर्मा ओलीसहितका नेताहरुसँग छलफल गरेर फर्किएका खनाल-नेपाल समूहले राष्ट्रिय भेला नरोकिने बताएका हुन् ।
ओली समूहसँग धुम्बाराहीमा भएको छलफलपछि खनाल-नेपाल समूहले बानेश्वरमा केन्द्रीय सदस्य तथा सांसदहरुको भेला राखेर यस्तो निर्णय गरेको हाे ।
एमाले अध्यक्ष ओलीले मंगलबार आफ्नो सरकारी निवास बालुवाटारमा आयोजना गरेको चियापान कार्यक्रममा खनाल-नेपाल समूह नजाने समेत बताइएकाे छ ।
