२० साउन ०७७, काठमाडौं । स्वास्थ्य तथा जनसंख्या मन्त्रालयले कोरोना भाइरस कोभिड-१९ को थप २५९ जना नयाँ संक्रमित पुष्टि भएको जानकारी दिएको छ ।
मन्त्रालयको नियमित प्रेस ब्रिफिङमा प्राडा जागेश्वर गौतमले पछिल्लो चौबीस घण्टामा २५९ जना नयाँ संक्रमित पुष्टि भएको बताएका हुन् । यससँगै कुल संक्रमितको संख्या २१ हजार ९ जना पुगेको छ ।
उनले हाल नेपालमा ५ हजार ९२५ जना सक्रिय कोरोना भाइरसको संक्रमित रहेको पनि जानकारी दिए ।
प्रवक्ता गौतमले हाल दश हजार २६ जना क्वारेन्टाइनमा रहेको बताए ।
यसैगरी कोरोना संक्रमित मोरङ जिल्ला विराटनगर महानगरपालिका ५ आदर्श टोल बस्ने एक वर्ष ७७ वर्षीय पुरुषको साउन १९ गते निधन भएको जानकारी उनले दिए । उच्चरक्त चाप, पुरानो मधुमेहको बिरामी रहेका ती पुरष ज्वरो र स्वासप्रश्वासको बिरामी समेत रहेको बताए ।
