२४ साउन ०७७, काठमाडौं । स्वास्थ्य तथा जनसंख्या मन्त्रालयले कोरोना संक्रमितको संख्या २२ हजार ५९२ पुगेको जानकारी दिएको छ ।
मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले पछिल्लो २४ घण्टामा थप ३७८ जना कोरोना संक्रमित थपिएको जानकारी दिदै कूल संक्रमितको संख्या २२ हजार ५९२ पुगेका बताएका हुन् ।
गौतमले काठमाडौंका ५६, ललितपुरका ३ र भक्तपुरका ३ जना गरी उपत्यकामा ६२ सहित देशभर ३७८ जना कोरोना संक्रमित थपिएको बताए ।
हाल सक्रिय संक्रमितको संख्या ६ हजार २०६ रहेको क्वारेन्टाइनमा १० हजार ७९२ जना रहेको उनले बताए ।
