१९ साउन ०७७, काठमाडौं । स्वास्थ्य तथा जनसंख्या मन्त्रालयले थप ४ सय १८ जनामा कोरोना भाइरस संक्रमण पुष्टि भएको जानकारी दिएको छ । योसँगै नेपालमा कूल संक्रमितको संख्या २० हजार ७ सय ५० पुगेको छ ।
मन्त्रालयको नियमित कोभिड–१९ प्रेस ब्रिफिङमा प्रवक्ता प्राडा जागेश्वर गौतमले राष्ट्रिय अद्यावधिक विवरणको जानकारी दिँदै यस्तो बताएका हुन् ।
उनले नेपालमा ५ हजार ७ सय ३२ जना कोरोना भाइरसको सक्रिय संक्रमित रहेको बताए ।
गौतमले कोरोना संक्रमित १४ हजार ९ सय ६१ जना निको भई घर फर्किसकेको र हाल १० हजार ४ सय ५२ जना क्वारेन्टाइनमा रहेको पनि बताए ।
नेपालमा कोरोना संक्रमित ५७ जनाको मृत्यु भइसकेको छ ।
