२९ साउन ०७७, काठमाडौं । स्वास्थ्य तथा जनसंख्या मन्त्रालयले पछिल्लो २४ घण्टामा थप ५२५ कोरोना संक्रमित पुष्टि भएको जनाएको छ ।
स्वास्थ्य तथा जनसंख्या मन्त्रालयको नियमित प्रेस ब्रिफिङमा प्रवक्ता डा. जागेश्वर गौतमले थप ५२५ कोरोना संक्रमित पुष्टि भएको बताउँदै कूल संक्रमित २४ हजार ९५७ पुगेको बताएका हुन् ।
पछिल्लो २४ घण्टामा ९ हजार ८५९ जनाको पीसीआर परीक्षणमा गरिएको जानकारी दिँदै उनले सक्रिय संक्रमित ८ हजार २५ जना रहेको बताए । यस्तै क्वारेन्टाइनमा १४ हजार ७६९ साथै होम क्वारेन्टाइनमा ४६६ जना रहेका बताए ।
उनले संखुवासभा, सोलुखम्बु, मनाङ, मुस्ताङ, डोल्पा र हुम्लामा कोरोना संक्रमित संख्या शून्य रहेको र निको हुने संक्रमितको संख्या १६ हजार ८३७ पुगेको जानकारी दिए ।
