३० साउन ०७७, काठमाडौं । पछिल्लो चौबीस घण्टामा कोरोना भाइरस (कोभिड–१९)को संक्रमण थप ५९४ जनामा पुष्टि भएको छ ।
स्वास्थ्य तथा जनसंख्या मन्त्रालयको नियमित प्रेस ब्रिफिङमा प्रवक्ता प्रा.डा. जागेश्वर गौतमले ११ हजार ५७५ जनाको पीसीआर परीक्षण गरिएकोमा ५९४ जनामा कोभिड–१९ पुष्टि भएको बताएका हुन् । योसँगै नेपालमा कोभिड–१९ को संक्रमित संख्या २५ हजार ५५१ पुगेको छ ।
उनले हालसम्म निको हुने कोरोना संक्रमितको संख्या १७ हजार ७७ पुगेको साथै क्वारेन्टाइनमा १४ हजार ६३८ र आइसोलेसनमा ७ हजार ९१३ जना रहेको बताए ।
यस्तै पछिल्लो चौबीस घण्टामा कोरोना संक्रमणबाट ४ जनाको निधन भएको पुष्टि गर्दै उनले कूल मृत्यु हुने संक्रमित संख्या ९९ पुगेको बताए ।
