१५ साउन ०७७, काठमाडौं । गत चैत्र ११ गतेदेखि बन्दाबन्दी सुरु भएसँगै बन्द भएका देशभरका होटल तथा रेष्टुरेन्टहरु आजबाट खुल्दैछन् ।
हालै सरकारले तोकिएको मापदण्ड पूरा गरेर साउन १५ देखि होटल व्यवसाय खोल्न सकिने निर्णय गरेसँगै आजदेखि होटल तथा रेष्टुरेन्टहरु खुल्ने भएका हुन् ।
नेपालका तारे होटलहरूले सन् २०२० को डिसेम्बरसम्म व्यापार आउने सम्भावना नरहेको भन्दै यसअघि बन्दको घोषणा गरेका थिए तर यसबीचम सीमित क्षमतामा होटल खोल्न सकिने उनीहरुले बताएका छन् ।
