नेकपाको आज बसेको स्थायी कमिटी बैठक स्थगित, अर्काे बैठक असार १२ गते

तस्बिर : प्रधानमन्त्रीका प्रेस सल्लाहकार, सूर्य थापाको फेसबुकबाट ।

१० असार, काठमाडौं । नेपाल कम्युनिष्ट पार्टी (नेकपा)को आज बसेको स्थायी कमिटी बैठक शुक्रबार बस्ने गरी स्थगित भएको छ ।

बुधबार प्रधानमन्त्री निवास बालुवाटारमा बिहान साढे ११ बजे सुरुभएको बैठक अध्यक्षद्वय केपी शर्मा ओली र पुष्पकमल दाहाल ‘प्रचण्ड’ले मन्तव्य राखेसँगै १२ गते शुक्रबार बस्ने गरी स्थगित गरिएको हो ।

नेकपाका प्रवक्ता नारायणकाजी श्रेष्ठले बैठकको ७ बुँदे कार्यसूची रहेको जानकारी दिँदै अध्यक्षद्वयको धारणा, बैठकका एजेण्डाको बिषयमा स्थायी समिति सदस्यहरुलाई अध्ययनका लागि समय दिँदै बैठक पर्सीसम्मका लागि स्थगित भएको बताए ।