१२ भदौ ०७७, काठमाडौं । स्वास्थ्य तथा जनसंख्या मन्त्रालयले ३३४ महिला र ५९३ जना पुरुष गरी पछिल्लो चौबीस घण्टामा थप ९२७ कोरोना संक्रमित थपिएको जानकारी दिएको छ । योसँगै कूल संक्रमितको संख्या ३६ हजार ४५६ पुगेको छ ।
स्वास्थ्य मन्त्रालयको नियमित पत्रकार सम्मेलनमा प्रवक्ता प्राडा जागेश्वर गौतमले हाल नेपालमा सक्रिय संक्रमितहरूको संख्या १६ हजार १९ रहेको जानकारी दिँदै आइसीयूमा १६४ र भेन्टिलेटरमा २२ जनाको उपचार भइरहेको बताए ।
यस्तै ४ महिला र ८ पुरुष गरी थप १२ जना कोरोना संक्रमितको निधन भएको पनि उनले बताए । योसँगै नेपालमा मृत्यु हुने कोरोना संक्रमितको संख्या १९५ पुगेको छ ।
