१ भदौ ०७७, काठमाडौं । स्वास्थ्य तथा जनसंख्या मन्त्रालयले पछिल्लो चौबीस घण्टामा ५८१ जनामा कोरोना संक्रमण पुष्टि भएको बताएको छ ।
स्वास्थ्य मन्त्रालयका प्रवक्ता प्रा.डा. जागेश्वर गौतमले ११ हजार ५२० जनामा पीसीआर परीक्षण गरिएकोमा ५८१ जनामा कोरोना संक्रमण पुष्टि भएको बताउँदै कूल संक्रमित संख्या २७ हजार २४१ पुगेको जानकारी दिए ।
उनले सक्रिय संक्रमित संख्या ९ हजार ६३९ साथै क्वारेन्टाइनमा १५ हजार १९८ रहेको बताए ।
हालसम्म १७ हजार ४९५ जना कोरोना संक्रमित निको भएर घर फर्किएको पनि उनले बताए ।
यस्तै थप तीन कोरोना संक्रमितको निधन भएको बताउँदै प्रवक्ता गौतमले नेपालमा मृत्यु हुनेको संख्या १०७ पुगेको जानकारी दिए ।
रौतहटका ३२ वर्षीय पुरुष, मोरङका ६० वर्षीय पुरुष र काठमाडौँका ५८ वर्षीया महिलाको निधन भएको उनले बताए ।
