६ असार ०७७, गुल्मी । धुर्कोट गाउँपालिका ३ स्थित हाडहाडेको चुने ओडार नजिकै पहिरोले जिप पुरिँदा दुई जनाको मृत्यु भएको छ । यस्तै ४ जना घाइते भएका छन् ।
जिल्ला प्रहरी कार्यालय गुल्मीले शनिबार दिउँसो करिब सवा ३ बजेको समयमा लु.१ग ३९९७ नम्बरको जिप पहिरोले पुरिँदा चालक प्रदीप पुन र यात्रु तुल्सीराम काउछाको मृत्यु भएको बताएको छ ।
प्रहरी निरीक्षक राजकुमार रावलले जिपमा सवार ६ जना मध्ये अन्य ३ जना सामान्य घाइते भएकाले स्थानीय मेडिकलमा उपचार गरिएको बताएका छन् ।
प्रहरी निरीक्षक रावलकाअनुसार जिप मदाने गाउँपालिका पुर्कोट दहबाट धुर्कोट गाउँपालिकाको सोमरभोमर भन्ने स्थानका लागि छुटेको थियो ।
