१३ असोज ०७७, काठमाडौं । नेपाल आयल निगमले पेट्रोलमा मटितेल मिसावट गर्ने एक जना टयांकर चालकलाई नियन्त्रणमा लिएर प्रहरीको जिम्मा लगाएको छ ।
थानकोट डिपोका लािग भारतको बरौनीबाट २० हजार लिटर पेट्रोल लोड गरेर आएको ना ४ ख ३०८५ नम्बरको ट्याकंर चालक सतिन सुवेदीलाई पेट्रोलमा मिसावट गरेको पाइएपछि निगमले प्रहरीलाई जिम्मा लगाएको हो ।
निगमका प्रवक्ता विनितमणि उपाध्यायले मंगलबार चालक सुवेदीलाई आवश्यक कारबाही अघि बढाउन प्रहरीलाई बुझाएको जानकारी दिए ।
पेट्रोल ट्यांकर चालक सुवेदीमाथि कालोबजारी तथा केही सामाजिक अपराध ऐन अनुसार कारबाही गर्न प्रहरीलाई बुझाएको भन्दै प्रवक्ता उपाध्यायले पेट्रोलमा मिसावट तथा चोरीमा संलग्न छ जना ट्यांकर चालक पक्राउ परिसकेको बताए ।
