१५ माघ ०७४, काठमाडौं । राष्ट्रियसभा निर्वाचनमा प्रदेश नम्बर २ बाट आठैजना निर्विरोध निर्वाचित भएका छन् ।
९ जनाको उम्मेदवारी दर्ता भएकोमा संघीय समाजवादी फोरम नेपालका उम्मेदवार मोहम्मद अख्तर हुसेनले उम्मेदवारी फिर्ता लिएपछि ८ जना निर्विरोध भएका हुन् ।
निर्विरोध निर्वाचित हुनेहरुमा खुलातर्फ नेपाली कांग्रेसका जितेन्द्रनारायण देव, राजपाका रमेशप्रसाद यादव र एमालेका सुमनराज प्याकुरेल, महिलातर्फ संघीय समाजवादी फोरमकी प्रमिला कुमारी, नेपाली कांग्रेसकी मुक्ताकुमारी यादव र माओवादी केन्द्रकी शशीकला दाहाल हुन भने दलिततर्फ संघीय समाजवादी फोरमका रामप्रित पासवान र अल्पसंख्यकतर्फ राजपाका बृखेशचन्द्र लाल हुन् ।
निर्वाचन अधिकृत राधाकृष्ण उप्रेतीले ९ जनाको उम्मेदवारी दर्ता भएकोमा एक जनाले फिर्ता लिएपछि सबै जना निर्विरोध निर्वाचित भएको जानकारी गराए ।
