३ जेठ ०७९, सर्लाही । जिल्लाको बलरा नगरपालिकाको मेयर र उपमेयर नेकपा (माओवादी केन्द्र)ले जितेको छ ।
मेयरमा रामाशंकरप्रसाद कुशवाहा र उपमेयरमा कोशिला देवी निर्वाचित भएकी हुन् ।
कुशवाहाले ४ हजार ६४३ मत प्राप्त गरेर लोकतान्त्रिक समाजवादी पार्टी (लोसपा) का अभयकुमार सिंहलाई एक हजार १२ मतले पछि पार्दै निर्वाचित भएका हुन् ।
यस्तै, उपमेयरमा निर्वाचित कोशिला देवीले ४ हजार ३५१ मत ल्याउँदा उनका निकटतम् प्रतिद्वन्दी लोसपाकी रागनदेवीले ३ हजार ७४० मत ल्याएकी थिइन् ।
