२३ पुस ०७७, बागलुङ । जिल्लाको निसीखोला गाउँपालिकामा ग३च २७१३ नम्बरको जीप दुर्घटना हुँदा एक जनाको मृत्यु भएको छ ।
जिल्ला प्रहरी कार्यालय बागलुङले बुधबार साँझ करिब बजे निसीखोला गाउँपालिका–२ बाहुनगाउँदेखि वडा नम्बर ३ छापखानीतर्फ जाँदै गरेको जीप दुर्घटना हुँदा २६ वर्षीय चालक कमरा रोका मगरको मृत्यु भएको बताएको छ ।
सूचना अधिकारी प्रहरी निरीक्षक विजय भण्डारीकाअनुसार पिकअप जीप दुर्घटना हुँदा ७ जना घाइते भएका छन् ।
घाइते हुनेहरुमा निसीखोला–३ का ५४ वर्षीय प्रेम विक, २७ वर्षीया बिरमला विक, एक वर्षीय सुवास विक, २४ वर्षीया मनि विक, २१ वर्षीया रतना सुनार, छ वर्षीय योजन विक र रुपन्देही देवी नगरका पाँच वर्षीय सत्य लोहार रहेको जानकारी दिए ।
घाइतेहरु बुर्तिबाङ प्राथमिक स्वास्थ्य केन्द्रमा उपचारका लागि ल्याइएको छ ।
