२७ माघ ०७४, रसुवा । नौ कुण्ड गाउँपालिका-५ सिस्नेरीमा वीरबहादुर मोक्तानको घरमा आगलागी हुँदा जलेर ३ जनाको मृत्यु भएको छ ।
शनिबार दिउँसो करिब सवा ३ बजेतिर आगलागी भएको हो । मोक्तानका दुई छोरी ७ वर्षीया रिफुला, ३ वर्षीया मंगलीमाया र छिमेकी धनबहादुर मोक्तानका ६ वर्षकी छोरी अस्मिता मोक्तानको आगलागीमा परी मृत्यु भएको छ ।
घरमा अभिभावक नभएको बेला बालबालिकाले लाइटर बाल्ने क्रममा आगलागी हुन पुगेको अनुमान जिल्ला प्रहरी कार्यालय रसुवाका प्रमुख प्रहरी नायव उपरीक्षक शरद थापा क्षत्रीले बताए ।
