काठमाडौं । चर्चित गायक राजु लामा र गायिका अस्मिता अधिकारीको आवाजमा समेटिएको राष्ट्रिय भावनाले ओतप्रोत गीत ‘देश निर्माणको संकल्प’ सार्वजनिक भएको छ ।
गीतकार प्रमिला बस्नेतको शब्द धनु ज्ञाङ्गीले संगीत भरेको गीतको भिडियोमा राजु लामा र अस्मिता अधिकारीको नै अभिनय रहेको छ ।
मेगराज मगरातीको क्यामेरा, सम्पादनमा बनेको भिडियोको कलर ग्रेडिङ्ग डिन्सन शाहले गरेका हुन । गीतको भिडियोलाई क्यानडाबाट गीतकार प्रमिला बस्नेतको युट्युब च्यानल मार्फत सार्वजनिक गरिएको हो ।
गीतकार बस्नेतले गीतमार्फत समृद्ध नेपाल बनाउनका लागि देश बिदेशमा रहेका सबै नेपाली एकजुट भएर नेपाल राष्ट्र निर्माणमा जुट्न अपिल गरेका छन् ।
