४ भदौ ०७४, काठमाडौं । नयाँ शक्ति नेपाल परित्याग गरेका रामचन्द्र झा, रामकुमार शर्मासहितका नेताहरु नेकपा माओवादी केन्द्रमा प्रवेश गरेका छन् ।
आइतबार राजधानीमा आयोजित पार्टी प्रवेश कार्यक्रममा माओवादी केन्द्र अध्यक्ष पुष्पकमल दाहाल प्रचण्डले झा र शर्मालाई पार्टीमा खादा ओढाएर स्वागत गरेका हुन् ।
झा र शर्मासँगै ब्रिजकिशोर यादव, कलामुद्दिन रायन, महेन्द्र केसी ‘पारसमणि’ लगायतका नेताहरु माओवादी प्रवेश गरे । ‘पारसमणि’ भने विप्लव समूहबाट आएका हुन् ।
